بچوں کے لیے اسلامی کہانیاں

بچوں کو کہانیاں سننا اور پڑھنا بہت ہی اچھا لگتا ہے۔ پرانے زمانوں میں دادا دادی اور نانا نانی بچوں کو سبق آموز کہانیاں سناتے تھے جس سے بچوں کے اخلاق خود بخود بہترین ہو جاتے تھے۔ آج کے دور میں اگر ہم بچوں کو فینٹسی یا کارٹونز کی جگہ اسلامی کہانیاں سنائیں تو ان کا دین پر یقین مضبوط ہوگا۔

ایک خوبصورت کہانی حضرت ابوبکر صدیق رضی اللہ عنہ کی سخاوت کی ہے۔ جب نبی صلی اللہ علیہ وسلم نے غزوہ تبوک کے موقع پر مسلمانوں سے چندے کی اپیل کی، تو حضرت عمر رضی اللہ عنہ نے سوچا کہ آج میں حضرت ابوبکر سے آگے نکل جاؤں گا اور اپنے گھر کا آدھا مال لے آئے۔ لیکن حضرت ابوبکر اپنے گھر کا سارا مال اللہ کی راہ میں لے آئے!

جب رسول اللہ صلی اللہ علیہ وسلم نے پوچھا، 'اے ابوبکر! گھر پر کیا چھوڑا؟' تو انہوں نے کمالِ محبت سے فرمایا، 'اللہ اور اس کا رسول!' اس کہانی سے بچوں کو ایثار، سخاوت اور اللہ پر مکمل یقین کا سبق ملتا ہے۔ ان کہانیوں کو سنانے کا مقصد بچوں کے اندر سچائی، بہادری اور امانت داری بیدار کرنا ہے۔

صحابہ اور صالیحین کی ایسی بیشمار سچی اور دلچسب کہانیاں ہماری اسلامی تاریخ کا حصہ ہیں۔ بچوں کو موبائل پر گیمز کی جگہ ان کہانیوں کی خوب صورت کتابیں مہیا کریں یا رات کو سوتے وقت انہیں اپنے ہاتھ سے سنائیں۔ یہ خوبصورت یادیں زندگی بھر ان کے دل و دماغ پر نقش رہیں گی۔